Ռուս և ամերիկացի դիվանագետները փետրվարի 27-ին Ստամբուլում կհանդիպեն՝ քննարկելու դեսպանատների աշխատանքին առնչվող խնդիրները։

Այս մասին հայտարարել է ՌԴ ԱԳ նախարար Սերգեյ Լավրովը։

«Մենք հայտարարել ենք, որ դիվանագետները, բարձր մակարդակի փորձագետները կհանդիպեն՝ քննարկելու խնդիրները: Դրանք կուտակվել են ԱՄՆ-ի նախորդ վարչակազմի անօրինական գործունեության հետևանքով՝ արհեստական ​​խոչընդոտներ ստեղծելու Ռուսաստանի դեսպանատան գործունեության համար:

Բնականաբար, մենք դրան պատասխանել ենք անհարմար պայմաններ ստեղծելով Մոսկվայում ամերիկյան դեսպանատան աշխատանքի համար»,- նշել է Լավրովը: