Ազգային ժողովի փոխնախագահ Հակոբ Արշակյանը տեսանյութ է հրապարակել իր ֆեյսբուքյան էջում, որի մեկնաբանությունների բաժնում քաղաքացիներից մեկը հարցրել է․ «Իսկ ձեր թիմին որևէ մեկը չի՞ բացատրում Ադրբեջանում հայ ռազմագերիների հարցով զբաղվելու կարևորությունը»։
Մեկնաբանությանն ի պատասխան՝ Հակոբ Արշակյանը գրել է․
«Շնորհակալ եմ հարցի համար։ Ռազմագերիների և պահվող անձանց հարցով զբաղվելու կարևորությունը բացատրելու կարիք չկա։ Աշխատանքի արդյունքում տասնյակ անձինք վերադարձել են Հայաստան և աշխատանքն ամենօրյա ռեժիմով տարվում է։ Այս հարցում անհրաժեշտ է առաջնորդվել չվնասելու սկզբունքով և ավելորդ հայտարարությունները կարող են աշխատանքին վնաս հասցնել»։
