Երևանի քաղաքապետարանը տեղեկացնում է, որ համացանցում «Անվճար հասարակական տրանսպորտ Երևանի բնակիչների համար» վերնագրով կեղծ կայքէջ է տարածվել, որտեղ առաջարկվում է մատչելի տարբերակով տոմս ձեռք բերել։

«Հիշեցնում ենք, որ թվային տիրույթում տրանսպորտի տոմս կարելի է ձեռք բերել բացառապես Telcell Wallet բջջային հավելվածի և transport.yerevan.am կայքի միջոցով։

Հորդորում ենք չտրամադրել որևէ տվյալ անհայտ աղբյուրներին՝ հաշվի առնելով ձեր անձնական տվյալների և ֆինանսական միջոցների անվտանգության նկատառումները»,-ասվում է հաղորդագրության մեջ: