Nielsen ընկերությունը հրապարակել է Օսկարի 97-րդ արարողության դիտումների թարմացված վիճակագրությունը, համաձայն որի՝ ԱՄՆ-ում մրցանակաբաշխության արարողությունը պաշտոնապես դիտել է 19,69 միլիոն մարդ։
«Արմենպրես»-ի փոխանցմամբ՝ այս մասին հայտնել է Biznes & Baltiya պարբերականը։
Գրանցված ցուցանիշը մրցանակաբաշխության դիտումների լավագույն ցուցանիշն է վերջին հինգ տարիների ընթացքում:
Նախորդ տարվա օսկարի արարողությունը դիտել է 19,49 միլիոն մարդ։
«Անորա»-ն, որում հանդես են եկել նաև հայ դերասաններ Վաչե Թովմասյանը և Կարեն Կարագուլյանը, դարձել է «Օսկար 2025» մրցանակաբաշխության գլխավոր հաղթողը՝ ստանալով 5 մրցանակ, այդ թվում՝ «լավագույն ֆիլմ», «լավագույն դերասանուհի», «լավագույն ռեժիսոր», «լավագույն օրիգինալ սցենար» և «լավագույն մոնտաժ» անվանակարգերում:
