2016 թվականի «Ավրորա» մրցանակաբաշխության եզրափակչի մասնակից և պակիստանցի իրավապաշտպան Սայեդա Ղուլամ Ֆաթիման «Ավրորա»-ին հայտնել է, որ մտադիր է մեկնել Բաքու՝ մասնակցելու Ռուբեն Վարդանյանի այսպես կոչված՝ դատավարությանը։

«Հեշտ է հեռվից դատապարտել անարդարությունը, բայց իրական փոփոխությունը գործողություններ է պահանջում։ Այդ իսկ պատճառով ես որոշել եմ մեկնել Բաքու՝ մասնակցելու Ռուբեն Վարդանյանի «դատավարությանը»։ Խնդրում եմ, միացեք ինձ՝ ցուցաբերելով համերաշխություն, ինչպես կարող եք»,-հայտնել է նա։