Այսօր՝ մարտի 7-ին, արտակարգ դեպք է տեղի ունեցել Շիրակի մարզում։ Ժամը 15։40-ի սահմաններում Երևան-Գյումրի Մ1 ավտոճանապարհի 83 կմ հատվածում Ազատանի կամրջից սառցաբեկորը պոկվել և ընկել այդտեղով ընթացող, Շիրակի մարզի բնակիչ 25-ամյա Արտավազդ Խ․-ի վարած «Lexus» մակնիշի ավտոմեքենայի դիմապակու վրա, հաղորդում է Shamshyan.com-ը:

Ավտոմեքենայի ուղևոր, Շիրակի մարզի բնակիչ 25-ամյա Շիրին Հ․-ն տեղափոխվել է «Գյումրի» բժշկական կենտրոն։

Դեպքի փաստով ՊԾ Շիրակի մարզի գումարտակում փաստաթղթեր են կազմվել, որոնք փոխանցվել են ՀՀ Քննչական կոմիտեի Շիրակի մարզային քննչական վարչություն։