ԱՄՆ նախագահ Դոնալդ Թրամփը հայտարարել է, որ Թեհրանը կա՛մ պետք է համաձայնության գա Վաշինգտոնի հետ, կա՛մ մոտ ապագայում բախվի հետեւանքների: «Մենք Իրանի հետ իրավիճակ ունենք, և ինչ-որ բան տեղի կունենա շատ շուտով, շատ, շատ շուտով: Հուսով եմ, որ դա կլինի խաղաղ համաձայնագիր, բայց մյուս տարբերակը ևս կլուծի խնդիրը», - ասել է Թրամփը լրագրողներին Օվալաձև աշխատասենյակում:

Նա չի հստակեցրել, թե կոնկրետ ինչ քայլեր կարող է ձեռնարկել ԱՄՆ-ը, սակայն ընդգծել է, որ Վաշինգտոնը մտադիր չէ համակերպվել Թեհրանի հետ հարաբերություններում առկա իրավիճակի հետ։