Չինաստանի նախագահ Սի Ծինփինը և ԱՄՆ նախագահ Դոնալդ Թրամփը կարող են ապրիլին հանդիպել Չինաստանում, գրում է South China Morning Post թերթը՝ հղում անելով աղբյուրներին։

«ԱՄՆ նախագահ Դոնալդ Թրամփը կարող է այցելել Չինաստան արդեն հաջորդ ամիս»,- գրում է հրատարակությունը՝ վկայակոչելով «բազմաթիվ դիվանագիտական ​​աղբյուրներին»։

Պարբերականը նշում է, որ երկու երկրների ղեկավարներն էլ կցանկանային, որ առաջինը մյուսն այցելություն կատարեր՝ այն որպես դիվանագիտական ​​հաղթանակ ներկայացնելու համար, «սակայն նախնական քննարկումները եղել են Թրամփի՝ Չինաստան կատարած այցի շուրջ»։

«Երկու երկրներն էլ քննարկում են Թրամփի և Սի Ծինփինի գագաթնաժողովը և աշխատում են այն ապրիլին անցկացնելու ուղղությամբ, թեև ժամկետները դեռ որոշված ​​չեն», - մեջբերում է հրատարակությունը աղբյուրներից մեկի խոսքերը։

Մեկ այլ աղբյուր թերթին հայտնել է, որ «ԱՄՆ առաջնորդի այցը Չինաստան սպասվում է ապրիլին կամ մայիսին»։