Նիդեռլանդների արտաքին գործերի նախարար Կասպար Վելդկամպը և նրա գլխավորած պատվիրակության անդամները Եվրոպական միության դիտորդական առաքելության ուղեկցությամբ այցելել են հայ-ադրբեջանական սահմանային գոտի։

Այս մասին նշված է ՀՀ-ում ԵՄ դիտորդական առաքելության X-ի միկրոբլոգում կատարված գրառման մեջ։

«Պատիվ է հյուրընկալել Նիդեռլանդների արտաքին գործերի նախարար Կասպար Վելդկամպին, Հայաստանում Նիդերլանդների Թագավորության դեսպան Մարիկե Մոնրոյ-Վինթերին և Հայաստան այցելած պատվիրակությանը»,-նշված է գրառման մեջ։ 

Հայաստանում ԵՄ դիտորդական առաքելության ղեկավար Մարկուս Ռիտերը իրականացված պարեկության ընթացքում Նիդեռլանդների ԱԳ նախարար Կասպար Վելդկամպին է ներկայացրել առաքելության գործունեությունը, հայ-ադրբեջանական սահմանին տիրող իրավիճակը։