ԱԺ ընդդիմադիր պատգամավոր Իշխան Սաղաթելյանը ֆեյսբուքյան իր գրառմանը մեկնաբանություն է թողել՝ դիմելով հանրությանը.

«Սիրելի ընկերներ,

ձեր բոլորի զգացմունքները հասկանալի են։ Այս բոլոր տարիների ընթացքում մեր նախաձեռնած պայքարները միտված են եղել հենց այսօր կատարվողը կանխելուն։ 

Դեռևս չհաջողելը չի նշանակում, որ չենք հաջողելու և պետք է համակերպվել։ Ակնհայտ է, որ Ադրբեջանը պահանջում է ՀՀ սահմանադրության փոփոխություն, որը կարող է իրականություն դառնալ բացառապես հանրաքվեի միջոցով։

Դրա համար հարկավոր է, որպեսզի հարյուր հազարավոր մեր հայրենակիցնեը կողմ արտահայտվեն այդ նախագծին։ Դա, իրականում Նիկոլի և Ալիևի համար անհաղթահարելի գործընթաց է :

Այդտեղ գործ ունենք անելու յուրաքանչյուրս։ Այդ կետը պետք է դառնա իրական ջրբաժան և հենց այդ կետից պետք է սկսվի ադրբեջանական պահանջներին դիմագրավելն ու իրավիճակի փոփոխությունը։

Հասկանալի է նաև հնարավորինս արագ գործելու պահանջը, սակայն չափազանց կարևոր է, որ ցանկացած գործողություն լինի ճիշտ ժամանակին :

Առայժմ այսքանը»։