Ռուսաստանը, Չինաստանը և Իրանը հայտարարել են, որ շահագրգիռ կողմերը պետք է աշխատեն վերացնել իրանական միջուկային խնդրի պատճառները և հրաժարվել սպառնալիքներից։ Այս մասին ուրբաթ օրը հայտարարել է Չինաստանի փոխարտգործնախարար Մա Չժաոսուն։
«Երեք կողմերն ընդգծել են, որ պետք է աշխատեն լուծել ներկա իրավիճակի հիմնական պատճառները և հրաժարվել պատժամիջոցներից, ճնշումներից և ուժի սպառնալիքներից», - ասել է Մա Չժաոսուն:
Նա նաև նշել է, որ Ռուսաստանը, Չինաստանը և Իրանը կարևորել են ՄԱԿ-ի Անվտանգության խորհրդի 2231 բանաձևը, որը «շահագրգիռ կողմերին կոչ է արել խուսափել գործողություններից, որոնք կարող են սրել իրավիճակը և համատեղ ստեղծել բարենպաստ միջավայր և պայմաններ դիվանագիտական ջանքերի համար»։
Ուրբաթ օրը Պեկինում տեղի է ունեցել Իրանի միջուկային խնդրին նվիրված հանդիպում, որին մասնակցել են փոխարտգործնախարար Սերգեյ Ռյաբկովը, Չինաստանի փոխարտգործնախարար Մա Չժաոսուն և Իրանի փոխարտգործնախարար Քազեմ Ղարիբ-Աբադին։
