Հալեպի նահանգապետ Ազզամ ալ-Ղարիբը Հալեպում Հայաստանի Հանրապետության գլխավոր հյուպատոս Արա Ավետիսյանի հետ քննարկել է տնտեսական և մշակութային ոլորտներում համագործակցության ընդլայնման ուղիները՝ կենտրոնանալով ներդրումային նախագծերի և զբոսաշրջության խթանման վրա: 

Այս մասին հայտնում է Հալեպի նահանգապետարանի տելեգրամյան ալիքը։

Կողմերը քննարկել են իրավիճակը Հալեպի հայ համայնքում։ Ալ-Ղարիբը հաստատել է նահանգապետարանի աջակցությունը ենթակառուցվածքների և տնտեսական աճի ոլորտներում Հայաստանի հետ ռազմավարական գործընկերություն հաստատելու հարցում` ընդգծելով ընդհանուր մշակութային ժառանգության պահպանման կարևորությունը: