106 կասկածյալի, այդ թվում՝ Իմամօղլուի նկատմամբ կալանքի որոշում է կայացվել։ Այս մասին հայտարարել է Թուրքիայի արդարադատության նախարար Յըլմազ Թունչը Ստամբուլի քաղաքապետ Էքրեմ Իմամօղլուի կալանավորման վերաբերյալ իր հայտարարության մեջ։
Նրա խոսքով, երկու հետաքննության արդյունքում կալանավորվել է 106 մարդ. «Նրանք մեղադրվում են ահաբեկչական կազմակերպությանը համատեղ օժանդակելու մեջ։ Չափազանց վտանգավոր և սխալ է անաչառ և անկախ հետաքննությունն ուղղել տարբեր ուղղություններով և այն բնութագրել «պետական հեղաշրջում» տերմիններով։
Թուրքիայի արդարադատության նախարարը նշել է, որ անընդունելի է հետաքննական մարմինների կողմից հարուցված հետաքննություններն ու դատական գործընթացները կապել Թուրքիայի նախագահի անվան հետ։
Յըլմազ Թունչն ասել է, որ համապարփակ արդարադատություն ապահովելու համար անհրաժեշտ է լուռ հետեւել հետաքննության ընթացքին եւ հարգել կայացված որոշումը։
Նախարարն անընդունելի է անվանել փողոց դուրս գալու կոչը։
