Մերձավոր Արևելքի հարցերով Դոնալդ Թրամփի հատուկ ներկայացուցիչ Սթիվեն Ուիթկոֆը ասել է, որ Իրանի Իսլամական Հանրապետությունը միջնորդների միջոցով պատասխանել է ԱՄՆ նախագահի նամակին և բացել հնարավոր բանակցությունների դուռը։

Սթիվեն Ուիթկոֆն այս մասին ասել է լրագրող Թակեր Կարլսոնին տված հարցազրույցում։

Նա ասել է, որ Թրամփը Խամենեիին ուղղված իր նամակում ընդգծել է, որ ցանկանում է լուծել երկու երկրների միջև բոլոր խնդիրները, այլ ոչ միայն միջուկային խնդիրը.

Ուիթկոֆի խոսքով՝ Իրանը Թրամփի նամակին պատասխանել է միջնորդների միջոցով. «Ինչպես գիտեք, նախագահ Թրամփը նամակ է ուղարկել Իրանի կառավարության ղեկավարությանը, մասնավորապես՝ Ալի Խամենեին՝ առաջարկելով ուղիղ բանակցություններ՝ միջուկային խնդրի և ավելի լայն լարվածության կարգավորման համար։ Կարող եմ հաստատել, որ Իրանը պատասխանել է այս նամակին։ Արձագանք է ստացվել եւ երկխոսության հնարավոր դռները բացվել են»։

Թրամփի բանագնացը նշել է, որ սա ճիշտ ուղղությամբ քայլ է. «Սա քայլ է ճիշտ ուղղությամբ: Պատասխանը դեռ ամբողջական համաձայնություն չէ, բայց դա ցույց է տալիս, որ Իրանը առնվազն անուղղակիորեն ներգրավված է»:

Հուսով ենք, որ այս քայլը կբերի պաշտոնական բանակցությունների՝ կա՛մ իմ թիմի, կա՛մ նախագահի կողմից նշանակված մեկ այլ ներկայացուցչի միջոցով։

«Մեր նպատակը պարզ է՝ Իրանի հետ բոլոր հարցերը լուծել խաղաղ ճանապարհով՝ առանց ռազմական գործողությունների դիմելու»,- ասել էնա և հավելել, որ Իրանն ունի երկու ընտրություն. «Իրանն ունի երկու տարբերակ՝ ռազմական կամ գործարքի միջոցով: Նախագահ Թրամփը հստակ հասկացրել է, որ նախընտրում է գործարք կնքել։ Դոնալդ Թրամփի համար իդեալական կկլինի դա անել Ռամադանից և Զատիկից հետո, մեր առաջարկած կամրջի ծրագրի համաձայն»․- ասել է բանագնացը։

Նա հույս է հայտնել Իրանի և ԱՄՆ-ի միջև բանակցությունների մեկնարկի կապակցությամբ. «Ես շատ հուսով եմ, որ դա կստացվի: Նախագահ Թրամփը պատերազմ չի ցանկանում: Նա բազմիցս պարզաբանել է այս հարցը։ Հաշվի առնելով պատժամիջոցների տնտեսական ճնշումը և ռազմական հակամարտության սրման վտանգը՝ Իրանը հնարավորություն ունի լուծելու իր խնդիրները մեզ հետ։ Կարծում եմ, որ մեր դաշնակիցների աջակցությամբ, ինչպիսիք են Սաուդյան Արաբիան և, հավանաբար, Ռուսաստանը, կարող ենք շուտով սկսել այդ բանակցությունները: Անկախ նրանից, թե իմ թիմի կամ այլ վստահելի պետական ​​պաշտոնյայի միջոցով,   մենք պատրաստ ենք բանակցել և համաձայնության գալ Իրանի պաշտոնյաների կամ նրանց ներկայացուցիչների հետ»:

Մերձավոր Արևելքի հարցերով Թրամփի հատուկ ներկայացուցիչը, անդրադառնալով Խամենեիին ուղղված նամակին, ասել է, որ նամակն ուղարկվել է ոչ թե թուլության, այլ ուժի դիրքերից.

«Մենք զգալի ռազմական առավելություն ունենք, և Իրանը դա գիտի: Բայց նպատակը սպառնալը կամ հարձակվելը չէ: Նպատակը Իրանին ցույց տալն է, որ բանակցություններն իրենց տրամաբանական և բնական ընտրությունն են։ Եթե ​​տնտեսական անվտանգությունը, ինչպես կարծում ենք, նույնն է, ինչ ազգային անվտանգությունը, ապա ոչինչ չի լինի, եթե Իրանի կառավարությունը շարունակի այս ճանապարհը։ Բայց եթե նրանք սկսեն բանակցությունները, մենք կարող ենք չեղարկել պատժամիջոցները, հաստատել տնտեսական կապեր և օգնել Իրանի ժողովրդին ապրել ավելի լավ կյանքով: Սա մի բան է, որով Թրամփին շատ է հետաքրքրում։ Եթե Իրանը համաձայնի, մենք կարող ենք աստիճանաբար չեղարկել պատժամիջոցները և թույլ տալ Իրանին վերադառնալ համաշխարհային տնտեսություն: Դա նշանակում է ավելի ամուր առևտրային կապեր, մուտք դեպի միջազգային շուկաներ և ներդրումների հնարավորություններ: Իրանի ժողովուրդն արժանի է բարգավաճման»,- նշել է բանագնացը։

Նա հաղորդել է՝ Թրամփը հավատում է դրան․ «Համաձայնագիրը կարող է շրջել այս միտումը և խաղաղություն և կայունություն բերել ոչ միայն Իրանին, այլև ողջ Մերձավոր Արևելքին»,- հավելել է Ուիթկոֆը։