Վրաստանի նախագահ Միխեիլ Կավելաշվիլին ՍԴ-ից հետ է կանչել նախկին նախագահ Սալոմե Զուրաբիշվիլիի հայցը՝ «Օտարերկրյա ազդեցության թափանցիկության մասին» օրենքը չեղարկելու վերաբերյալ։
Տեղեկությունը տարածել է Վրաստանի նախագահի վարչակազմը։
Նշվում է, որ Վրաստանի «Օտարերկրյա ազդեցության թափանցիկության մասին» օրենքը հիմնված է թափանցիկության և հաշվետվողականության վրա, ինչը նպաստում է վրացական պետականության կարևորագույն սկզբունքի՝ պետության ազգային ինքնիշխանության և երկրի կայուն զարգացմանը պաշտպանելուն։
Օրենքը ծառայում է հանրությանը հնարավորինս տեղեկացնել օտար ուժերի շահերը առաջ տանող կազմակերպությունների ֆինանսական աղբյուրների մասին։
Ըստ այդմ, Վրաստանի նախագահ Միխեիլ Կավելաշվիլին որոշել է մերժել սահմանադրական պահանջը,- ասված է նախագահի աշխատակազմի հաղորդագրության մեջ։
