Հետևեք մեզ։

Մամուլից եմ տեղեկացել դատախազության պահանջի մասին, չգիտեմ՝ ինչի դիմաց են պահանջում այդ գումարը. Մովսես Հակոբյան․ News.am

20:32, 24 մարտ 2025
Մամուլից եմ տեղեկացել դատախազության պահանջի մասին, չգիտեմ՝ ինչի դիմաց են պահանջում այդ գումարը. Մովսես Հակոբյան․ News.am

«Դեռ չգիտեմ ինչի դիմաց են այդ գումարը պահանջում, կանչեն դատախազություն՝ կիմանամ։ Մամուլից եմ տեղեկացել այդ մասին»։ Այս մասին այսօր՝ մարտւ 24-ին, NEWS.am–ի հետ զրույցում ասաց Զինված ուժերի գլխավոր շտաբի նախկին պետ Մովսես Հակոբյանը՝ արձագանքելով լուրերին այն մասին, որ Դատախազությունը իրենից և ՊՆ մեկ այլ նախկին պաշտոնյա Արմեն Հարությունյանի դեմ հայցադիմում է ներկայացրել դատարան, և պահանջում է  հօգուտ Հայաստանի Հանրապետության բռնագանձել 4 մլրդ 370 մլն 985 հազար դրամ։

«Ավելի շատ են պահանջում, 4.5 մլրդ դրամ չեն պահանջում, այլ մի երեք անգամ ավելի շատ»,–նշեց Մովսես Հակոբյանը։

Հիշեցնենք, որ  Դատախազությունը Զինված ուժերի գլխավոր շտաբի նախկին պետ Մովսես Հակոբյանի և ՊՆ մեկ այլ նախկին պաշտոնյա Արմեն Հարությունյանի դեմ հայցադիմում է ներկայացրել դատարան՝ հօգուտ Հայաստանի Հանրապետության 4 մլրդ 370 մլն 985 հազար դրամ բռնագանձելու մասին:  

Վերլուծական