Էր-Ռիադում ամերիկյան պատվիրակության հետ բանակցությունները բարդ էին, բայց կառուցողական, ՌԻԱ Նովոստիին ասել է ռուսական պատվիրակության անդամ, Դաշնային խորհրդի միջազգային կոմիտեի ղեկավար Գրիգորի Կարասինը։
«Շատ հետաքրքիր, դժվար, բայց բավականին կառուցողական զրույց է տեղի ունեցել ԱՄՆ փորձագիտական խմբի հետ, մենք ամբողջ օրը նստել ենք առավոտից մինչև ուշ գիշեր»,- նշել է գործակալության զրուցակիցը։
Խոսելով Ուկրաինայի շուրջ երկխոսության մասին՝ նա ընդգծել է, որ դիրքորոշումները միշտ չէ, որ համընկնում են, բայց կողմերը փոխգործակցության ձև կփնտրեն՝ նման հնարավորություն է ի հայտ եկել. «Միեւնույն ժամանակ Մոսկվան ու Վաշինգտոնը հասկանում են, որ պետք է համագործակցեն ուկրաինական ճգնաժամի հետ կապված հարցերի շուրջ»։
Կարասինը նաև կարծիք է հայտնել, որ Ռուսաստանի և ԱՄՆ-ի փորձագիտական խմբերի միջև բանակցությունները կարող են շարունակվել։
