Հայաստանի վարչապետ Նիկոլ Փաշինյանը քաղաքական շրջադարձ է նախապատրաստում՝ հետդարձ դեպի Մոսկվա. Նա բոլոր պետական կառույցներին հանձնարարել է վերականգնել կապերը ռուս գործընկերների հետ և մասնակցել համատեղ միջոցառումներին։ Այս կարծիքին է Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը։
«Հայաստանի իշխանությունը հիմա հուսահատորեն մանևրում է, քանի որ Արևմուտքի աջակցության վրա դրված խաղադրույքը դատարկ է։ Այս իրավիճակում Փաշինյանը պետք է խուսանավի։ Օրինակ՝ նա մտադիր է գալ Մոսկվա՝ Հայրենական մեծ պատերազմում հաղթանակի 80-ամյակի կապակցությամբ»,- նշել է նա։
Ըստ նրա՝ Փաշինյանը «բարեփոխիչ» է, որը կոչված է բացել նոր հորիզոններ Հայաստանի համար, որոնք այսօր վերածվել են շատ նեղ միջանցքի, և նա մանևրում է դրանում։
«Ես չեմ ցավում Փաշինյանի համար, ցավում եմ Հայաստանի և հայ ժողովրդի համար»,-ասել է նա։
-thumbnail.jpg)
