Հայաստանի իշխանությունը կիրառում է և կշարունակի կիրառել բոլոր գործիքակազմերը՝ Բաքվում պահվող հայ գերիների վերադարձի ուղղությամբ: Այս մասին ԱԺ-ում կառավարության հետ հարցուպատասխանի ժամանակ հայտարարեց Նիկոլ Փաշինյանը։
«Գերիների վերադարձի հետ կապված ես նոր բան չունեմ ասելու, որովհետև այն գործիքակազմերը, որոնք նախկինում մենք կիրառել ենք, այսօր էլ շարունակում ենք կիրառել և ապագայում էլ պետք է կիրառենք: Դա մեզ անհանգստացնում է՝ որպես հումանիտար հարց, քաղաքական հարց, կարևոր թեմա՝ տարածաշրջանում կայունություն և խաղաղություն հաստատելու համար»,-նշեց Նիկոլ Փաշինյանը:
Ըստ նրա` խաղաղության ճանապարհը ամենաարդյունավետն է Բաքվում գտնվող գերիների հարցը լուծելու համար։
