Աշխարհը, այդ թվում՝ Դանիան, շահագրգռված է, որ Գրենլանդիան պատկանի Միացյալ Նահանգներին: «Արմենպրես»-ի փոխանցմամբ՝ այս մասին հայտարարել է ԱՄՆ նախագահ Դոնալդ Թրամփը Սպիտակ տանը լրագրողների հետ զրույցում։
«Մեզ հարկավոր է Գրենլանդիան։ Եվ աշխարհին, այդ թվում՝ Դանիային հարկավոր է, որ Գրենլանդիան մերը լինի: Դանիայի համար ցանկալի է, որ Գրենլանդիան մերը լինի: Կտեսնենք, թե ինչ տեղի կունենա», - ասել է նա:
Թրամփը նշել է, որ Գրենլանդիայի մերձակայքում նավարկում են ռուսական և չինական նավերը, ուստի ԱՄՆ-ն «պետք է այնտեղ լինի»։
«Եթե մենք այնտեղ չլինենք, չենք կարողանա ապահովել ազգային կամ միջազգային անվտանգությունը», - ընդգծել է նա։
