Ադրբեջանի հետ միջխորհրդարանական հանդիպում անցկացնելու Հայաստանի առաջարկը դեռևս չի արժանացել արձագանքի։ 

«Արմենպրես»-ի հաղորդմամբ՝ լրագրողների հետ ճեպազրույցում այս մասին ասաց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը։

«Հաշվի առնելով, որ խաղաղության պայմանագրի տեքստը համաձայնեցված է և պետք է սկսվեն բանակցություններ դրա ստորագրման վայրի, ժամի և հետագա ընթացքի վերաբերյալ, ես պատեհ համարեցի դիմել Ադրբեջանի խորհրդարանական գործընկերոջս՝ այս հարցերի շուրջ քննարկում ունենալու առաջարկով։ Սակայն մինչև այս պահը որևէ արձագանք չկա»,-ասաց Խանդանյանը։

Նրա խոսքով՝ իր նամակում նշված է եղել նաև հնարավոր հանդիպման տեղանքը։

«Նամակի վերջում առաջարկել էի, օրինակ, հանդիպել հայ-ադրբեջանական սահմանագծի որևէ չեզոք հատվածում։ Հուսով եմ՝ դրական արձագանք կլինի»,-հավելեց ԱԺ հանձնաժողովի նախագահը։