Հայաստանի ազգային հավաքականի լեգենդար պաշտպան Սարգիս Հովսեփյանը գրառում է կատարել ֆեյսբուքի իր էջում՝ պահանջելով ՀՖՖ ղեկավար կազմի հրաժարականը:

«ՀՖՖ ներկայիս կազմը՝ Արմեն Մելիքբեկյանի և Արմեն Նիկողոսյանի գլխավորությամբ, պետք է ներողություն խնդրեն հրաժարականը ուշացնելու համար: Ձեր կառավարման տարիներին տեղի ունեցող վատ իրադարձությունները և գրանցված արդյունքները փաստեր են, տեսել են բոլորը, և դա իրականություն է: Ժամանակն է, որ բոլորը ընդունեն, որ սխալվել են և ձախողել են Ֆուտբոլի կառավարումը , քանի որ այն ղեկավարել են ոչ պրոֆեսիոնալ մարդիկ»,- գրել է Հովսեփյանը:

Նախկին ֆուտբոլիստի դիտարկմամբ՝ ՀՖՖ ներկայիս կազմի ղեկավարության օրոք ոչ մի դրական փոփոխություն տեղի չի ունեցել. «Տեղի է ունեցել ճիշտ հակառակը, իսկ, եթե կարճ ժամանակում հնարավոր էր Հայկական ֆուտբոլի պատիվը բարձր պահել, ինչու՞ դա տեղի չի ունեցել:

Ընդունե՛ք իրականությունը, հրաժարական տվեք, հեռացե՛ք ի շահ Հայկական ֆուտբոլի»: