Կենտրոնական ընտրական հանձնաժողովը հայտնում է, որ մարտի 30-ի Գյումրի և Փարաքար համայնքների ավագանու արտահերթ ընտրությունների ժամանակ ընտրողի համար անձը հաստատող փաստաթուղթ է համարվում՝

     նույնականացման քարտը,

     կենսաչափական անձնագիրը,

     ոչ կենսաչափական անձնագիրը,

     անձնագրին կամ նույնականացման քարտին փոխարինող ժամանակավոր փաստաթուղթը` տրված լիազոր մարմնի կողմից,

օտարերկրյա քաղաքացիների համար`

    Հայաստանի Հանրապետությունում օրինական բնակությունը հավաստող ժամանակավոր կացության քարտը,

    մշտական կացության քարտը,

    Հայաստանի Հանրապետության հատուկ անձնագիրը,

    Ռուսաստանի Դաշնության քաղաքացիների համար նաև ՌԴ քաղաքացիությունը հավաստող անձնագիրը՝ Գյումրի և Փարաքար համայնքների պետական ռեգիստրում հաշվառման վերաբերյալ նշումով,

քաղաքացիություն չունեցող անձանց համար`

    Հայաստանի Հանրապետությունում մշտապես բնակվող քաղաքացիություն չունեցող անձի կացության վկայականը,

    ժամանակավոր կացության քարտը,

    մշտական կացության քարտը,

    Հայաստանի Հանրապետության հատուկ անձնագիրը,

փախստական ճանաչված անձանց համար`

    կոնվենցիոն ճամփորդական փաստաթուղթը: