Այսօր ժամը 8։00-ին Գյումրիում և Փարաքարում  մեկնարկել են արտահերթ ընտրությունները:

«Գյումրիի ՏԻՄ արտահերթ ընտրություններին մասնակցում են 9 ուժ` 6 կուսակցություն և 3 դաշինք։

«Կոմունիստական» կուսակցություն-ցուցակը գլխավորում է Վարդան Ղուկասյանը։

 «Իմ հզոր համայնք» կուսակցություն-ցուցակը գլխավորում է պրոդյուսեր Ռուբեն Մխիթարյանը:

«Հայաստանի աշխատավորական սոցիալիստական» կուսակցություն- ցուցակը գլխավորում է երգիչ-դերասան Արտյոմ Թումանյանը։

«Ապրելու երկիր» կուսակցություն-քաղաքապետի թեկնածուն Կարեն Մալխասյանն է:

«Դեմոկրատական այլընտրանք» կուսակցություն-քաղաքապետի թեկնածուն գործարար Արտյոմ Ղարաղազարյանն է։

«Քաղաքացիական պայմանագիր» կուսակցություն-Գյումրիի քաղաքապետի ժամանակավոր պաշտոնակատար Սարիկ Մինասյանը քաղաքապետի թեկնածուն է։

«Մեր քաղաքը» դաշինք-թեկնածուն պատգամավոր Մարտուն Գրիգորյանն է։

«Մայր Հայաստան» դաշինք-քաղաքապետի թեկնածուն Կարեն Սիմոնյանն է:

«Եվրադաշինք»-թեկնածուն լրագրող Լևոն Բարսեղյանն է։

Արմավիրի մարզի Փարաքար համայնքում արտահերթ ընտրություններում առաջադրված է 4 քաղաքական ուժ։

«Քաղաքացիական պայմանագիր» կուսակցություն-ցուցակը գլխավորում է ներկայում Փարաքարի ղեկավարի պաշտոնակատար Լյուդվիգ Գյուլնազարյանը։

«Միասնություն» կուսակցությունների դաշինք («Ապրելու երկիր» կուսակցություն և «Հաղթանակ» կուսակցություն)-ցուցակը գլխավորում է Վալոդյա Գրիգորյանը։

«Ազգային առաջընթաց» կուսակցություն -թեկնածու Դավիթ Մինասյան:

«Կայունություն» կուսակցություն- ցուցակը գլխավորում է Գոռ Սարիբեկյանը։