«Կրասնոդարի» կիսապաշտպան Էդուարդ Սպերցյանն ասել է, որ թիմը պետք է շարունակի մարզումները և հավատա Ռուսաստանի առաջնությունում հաջող արդյունքների, գրում է Armsport.am-ը։
Կիրակի օրը «Կրասնոդարը» ՌՊԼ-ի 22-րդ տուրի տնային հանդիպմանը 5-0 հաշվով հաղթեց «Ֆակելին»։
Վնասվածքից ապաքինվելուց հետո՝ Սպերցյանը խաղադաշտ մտավ երկրորդ խաղակեսում, դարձավ գոլի և գոլային փոխանցման հեղինակ։
«Դժվար առաջին խաղակես էր, բայց մենք լավ հանդես եկանք երկրորդում և արժանիորեն գոլեր խփեցինք: Ես իսկապես կարոտել էի ֆուտբոլը, երեք օր աշխատեցի թիմի հետ և հնարավորություն ստացա։ Մեզ հաջողվեց շատ կարևոր գոլ խփել, դա մեզ մի փոքր հանգստացրեց։
Մենք կարող ենք և՛ պայքարել, և՛ հանգիստ ֆուտբոլ խաղալ, դա լավ որակ է: Պետք է շարունակենք համեստ աշխատել, հավատալ ինքներս մեզ և հաղթել»,- ասել է Սպերցյանը Матч ТВ-ի հետ հարցազրույցում:
