Փարաքար համայնքի համայնքապետի ՔՊ թեկնածու Լյուդվիգ Գյուլնազարյանը, ով պարտվել է «Ապրելու երկրի» ձևավորած «Միասնություն» դաշինքի թեկնածու Վոլոդյա Գրիգորյանին, հայտնում է․
«Սիրելի փարաքարցիներ, շնորհակալ եմ ընտրությանը ակտիվ մասնակցելու և 2021 թվականի ընտրությունների համեմատությամբ մեր քաղաքական թիմին տված ավելի վստահության քվեների համար։
Շնորհավորում եմ համայնքի ղեկավարի ընտրություններում հաղթած թեկնածու Վոլոդյա Գրիգորյանին։ Փարաքարը մեր տունն է, ու բոլորիս անելիքն է առավելագույնը անել Փարաքար համայնքի զարգացման համար»։