Թեհրանը Իրանում Շվեյցարիայի գործերի ժամանակավոր հավատարմատարին կանչել է ԱԳՆ՝ ԱՄՆ նախագահ Դոնալդ Թրամփի հայտարարությունից հետո։

Tansim գործակալությունը հաղորդում է, որ Դոնալդ Թրամփի նախազգուշացումից հետո, թե միջուկային համաձայնություն ձեռք բերելու դեպքում ինքը կռմբակոծի Իրանը, Իրանը Շվեյցարիայի ներկայացուցչին կանչել է ԱԳՆ և դիվանագետին բողոքի նոտա է ներկայացրել։

Հանդիպման ժամանակ Իրանի արտգործնախարարության ԱՄՆ հարցերով գլխավոր վարչության ղեկավար Իսա Քամելին իր բողոքն է հայտնել Շվեյցարիայի դեսպանատան գործերի ժամանակավոր հավատարմատարին և հայտարարել, որ Իրանը խստորեն կպատասխանի նման սպառնալիքներին։

Շվեյցարացի դիվանագետն ասել է, որ շուտով Իրանի բողոքը կփոխանցի ԱՄՆ-ին։

Նշենք, որ օրերս Դոնալդ Թրամփը զգուշացրել էր, որ Իրանը կենթարկվի աննախադեպ ռմբակոծության, եթե համաձայնության չգա միջուկային ծրագրի շուրջ։

Իրանի գերագույն առաջնորդ Սեյյեդ Ալի Խամենեին հայտարարել է, որ ԱՄՆ նախագահին ուժեղ հարված է սպասվում, եթե հարձակվի Իրանի վրա։