Ադրբեջանական մամուլը երեկվանից հեղեղված է 1918 թվականին տեղի ունեցած իրադարձություններով, որը փորձում են ներկայացնել որպես հայերի կողմից իրականացված ցեղասպանություն, գրել է Տիգրան Աբրահամյանը։
«Այս համատեքստում, ոչ այդքան անսպասելի հայտարարությամբ է հանդես եկել Թուրքիայի պաշտպանական գերատեսչությունը, այդ իրադարձությունները ցեղասպանություն անվանելով:
Այն, որ Թուրքիան և Ադրբեջանը` որպես ցեղասպան երկրներ, բարոյական իրավունք չունեն այլոց մեղադրելու մի հանցանքի մեջ, որի հետ անմիջապես իրենք են ասոցացվում և պատասխանատվություն կրում՝ դա հարցի միայն մի հատվածն է:
Սակայն, տեսեք՝ ինչ է կատարվում: ՀՀ իշխանությունն իր արտաքին քաղաքական օրակարգից հանում է Հայոց ցեղասպանության հարցը, պարտության խորհրդանիշ Փաշինյանը ժխտողական ձևակերպումներ է հնչեցնում, իսկ նույն Թուրքիան ի պատասխան՝ դատապարտող հայտարարություն է անում ու ադրբեջանական հորինված «փաստերը» ներկայացնում ցեղասպանություն:
Սա է իշխանության ողջ թշվառությունն ու երկիրը վաճառքի դնելու գինը»:
-thumbnail.jpg)
