Փաստաբան Ռուբեն Մելիքյանը ձերբակալվածների պահման վայրում հանդիպում է ունեցել Գյումրիի ՏԻՄ ընտրությունների օրը ձերբակալված կանանցից 75-ամյա տիկին Կիմայի հետ․

«Շատ ծանր զրույց ունեցա Կիմա տատիկի հետ։ Արցունքն աչքերին ասում է՝ բալա ջան, ինձ ինչի՞ են ըստեղ բերել։ Ի՞նչ պատասխանեմ։ Ընտրությունների օրը՝ շատ վատ ձևով՝ Հակակոռուպցիոնի օպերները, փոխարեն իրենց բուն գործով զբաղվեն, ընկել են 40 հազար դրամով միայնակ ապրող Կիմա տատիկների հետևից և նրա 90-ամյա քեռու աղջկան, որին բաց են թողել։ Վերջին ձևով սպառնացել են՝ «բանտում փտելու ես»։ Գլխին քաղաքական նոտացիաներ են ներկայացրել »,-ֆեյսբուքյան ուղիղ եթերում հայտարարել է իրավապաշտպան Ռուբեն Մելիքյանը։