Ի՞նչն է խախտել Վիլեն Գաբրիելյանը, եթե եղել է ոչ սթափ վիճակում․․․ կիրակի օրով Գյումրիում, ինչ-որ բանով արգելվա՞ծ է, որ լինի ոչ սթափ վիճակում։ Հանրային պաշտոնյան չի կարո՞ղ ոգելից խմիչք օգտագործել։ Այս մասին Factor TV-ի հետ զրույցում ասել է ԱԺ ՔՊ խմբակցության պատգամավոր Արմեն Խաչատրյանը։

«Այո՛, կարող է մարդ կիրակի օրը լինել ոչ սթափ վիճակում»,- ասել է Արմեն Խաչատրյանը և պատասխանելով հարցին՝ կարո՞ղ է նաև հայհոյել լրագրողին, նշել է․ «Ո՛չ, լրագրողին չի կարելի հայհոյել։ Լրագրողը պետք է լինի լրագրող, ոչ թե սադրիչ։ Մարդը եղել է գինովցած, լրագրողները սադրել են»,- ասել է նա, ապա հավելել, «Չի՛ կարելի լրագրողին հայհոյել։ Այդ փաստը քննարկման առարկա է դարձել կամ դառնալու քաղաքական մարմնում՝ իր հետևանքերով հանդերձ»,-ասել է Արմեն Խաչատրյանը։