Գյումրիի ընտրություններին մասնակցած «Իմ հզոր համայնքի» ընտրացուցակի 3-րդ համարը՝ Գյումրիի պատվավոր քաղաքացի Սուսաննա Մկրտչյանը, ինքնաբացարկի դիմում է ներկայացրել:

«Ես դիմում եմ տվել և հրաժարվել եմ. Նախ՝ առողջական խնդիրներ ունեի․ մի քանի օր առաջ սրտի հետ կապված խնդիր ունեցա։ Բացի այդ՝ այս խառնաշփոթից ես երբեք գլուխ չեմ հանել։ Ինքս արվեստագետ եմ, երբեք այս քաղաքական բաներով չեմ զբաղվել»,- այս մասին «Հայկական ժամանակ»-ի հետ հեռախոսազրույցում ասել է Մկրտչյանը։

Անդրադառնալով «Իմ հզոր համայնք» (առաջին համարը Ռուբեն Մխիթարյանն է) կուսակցության քվեները Վարդան Ղուկասյանին տալու հարցին՝ Մկրտչյանը նշել է․  «Ես չեմ դա որոշողը, ովքեր որ որոշել են, երևի իրենք ունեն իրենց պատճառները, իրենք ունեն իրենց խնդիրները ուղղակի ավագանի ինձ առաջարկեցին, ես համաձայնվեցի»,- ասել է Մկրտչյանը։