Եթե ​​նայենք Գերմանիայի կառավարության քաղաքականությանը վերջին տարիներին, ապա կարող ենք տեսնել, որ այն շատ հավասարակշռված վերաբերմունք ունի Հարավային Կովկասի տարածաշրջանի նկատմամբ։

Այս մասին ասել է ԳԴՀ նախագահ Ֆրանկ-Վալտեր Շտայնմայերը՝ Ադրբեջանի Հանրապետության նախագահ Իլհամ Ալիևի հետ մամուլի համար համատեղ հայտարարության մեջ՝ պատասխանելով Ադրբեջանի նկատմամբ Արևմուտքի իբրև թե երկակի ստանդարտների մասին հարցին։

Գերմանիայի նախագահն ասել է, որ զգայուն հարցերին միշտ զգույշ են մոտեցել. «Մենք մեր վերաբերմունքն ենք արտահայտել այդ հարցերի վերաբերյալ միջազգային իրավունքի համաձայն, մենք գիտենք և ընդունում ենք, որ Ղարաբաղը ադրբեջանական տարածք է»: