Թրամփն ասել է, որ Վաշինգտոնն ու Թեհրանը ուղիղ բանակցություններ են վարում:

«Մենք ուղիղ բանակցություններ ենք վարում Իրանի հետ, դրանք սկսվել են, դրանք կշարունակվեն շաբաթ օրը, մենք շատ կարևոր հանդիպում կունենանք, տեսնենք, թե ինչ կլինի»,- ասել է նախագահը Սպիտակ տանը Իսրայելի վարչապետ Բենիամին Նեթանյահուի հետ հանդիպմանը պատասխանելով լրագրողների հարցերին։

«Կարծում եմ՝ բոլորն էլ համաձայն են, որ գործարքի հասնելը նախընտրելի է, քան ակնհայտը»,- նկատել է նա՝ չբացատրելով, թե ինչ նկատի ուներ ակնհայտ ասելով։

Նման զարգացումից խուսափելը, նրա խոսքով, «բխում է Իրանի լավագույն շահերից»։