Ադրբեջանցի ֆիթնես մարզիչ Քամիլ Զեյնալլին հայտարարել է, որ այլևս չի հետախուզվում ՀՀ-ի կողմից։

Ադրբեջանական հեռուստաալիքներից մեկով հեռարձակվող հաղորդման շրջանակում օրերս Զեյնալլին նշել է, որ այլևս որևէ երկրի կողմից չի հետախուզվում։

Հիշեցնենք, որ Զեյնալլին ձերբակալվել էր փետրվարի 20-ի երեկոյան օդանավակայանում՝ Մոսկվա-Բաքու չվերթ բարձրանալուց առաջ։ Ինչպես նա է հայտնել, ձերբակալությունը կատարվել էր հայկական կողմի պահանջի հիման վրա։

Հայաստանի ներքին գործերի նախարարությունը ասել էր, որ Ադրբեջանի քաղաքացի Քամիլ Զեյնալլի նկատմամբ միջազգային հետախուզում է հայտարարվել «սպանություն» հոդվածի հատկանիշներով: Հաղորդվում է, որ ֆիթնես մարզիչը կասկածվում է 44-օրյա պատերազմի ժամանակ տարեց Լեռնային Ղարաբաղի տարեց բնակչին գլխատելու մեջ։