Քիչ առաջ ՀՀ հակակոռուպցիոն դատարանը` նախագահությամբ դատավոր Արամ Գրիգորյանի, մերժեց Գագիկ Ծառուկյանի պաշտպան Երեմ Սարգսյանի միջնորդությունը` դադարեցնել Գագիկ Ծառուկյանի նկատմամբ քրեական հետապնդումը:
Նշենք, որ Hayastan.news-ը տեղեկացրել էր, որ այսօր Գագիկ Ծառուկյանին վերագրվող կաշառքի գործով դատական նիստի ժամանակ Ծառուկյանի պաշտպան Երեմ Սարգսյանը միջնորդեց դատարանին` վերացնել իր պաշտպանյալի նկատմամբ հարուցված քրեական հետապնդումը` համարելով, որ քրեական հետապնդման վերաբերյալ հիմքերը բացակայում են:
Դատարանը գնաց խորհրդակցական սենյակ և որոշ ժամանակ անց վերադառնալով` հայտարարեց, որ միջնորդությունը մերժվում է:
Դատարանը քննեց նաև Ծառուկյանի նկատմամբ խափանման միջոցի հարցը` որոշելով, որ Գագիկ Ծառուկյանի նկատմամբ կշարունակվի կիրառվել գրավը որպես խափանման միջոց:
-thumbnail.jpg)
-thumbnail.jpg)
