Միացյալ Թագավորությունը հայտարարել է Ուկրաինային 459 միլիոն դոլարի ռազմական օգնության նոր փաթեթի մասին։

ՄԹ պաշտպանության նախարար Ջոն Հիլին Բրյուսելում Ուկրաինայի պաշտպանության հարցերով կոնտակտային խմբի նիստում հայտարարել է Ուկրաինային 350 միլիոն ֆունտ ստեռլինգ (459 միլիոն դոլար) արժողությամբ լրացուցիչ ռազմական օգնության փաթեթ հատկացնելու մասին։ 

Փաթեթը ներառում է ռադիոլոկացիոն համակարգերի, հակատանկային ականների, հարյուր հազարավոր անօդաչու թռչող սարքերի մատակարարում, ինչպես նաև ռազմական տեխնիկայի վերանորոգման և տեխնիկական սպասարկման ֆինանսավորում։