Արցախցիները բողոքի ցույց են անում ԱԳՆ շենքի մոտ։ 

«Եթե ճնշում չենք գործադրում, դա մեկնաբանում են որպես Արցախյան էջի փակում»,- ակցիայի ժամանակ ելույթ ունենալիս՝ ասել է Արցախի նախկին ՄԻՊ Արտակ Բեգլարյանը։

Նա նշել է՝ իրավիճակի պատասխանատուն ՀՀ կառավարությունն է։

«Դիվանագետներն ասում են՝ ի՞նչ սպասենք, եթե Հայաստանի օրակարգում այդ հարցերը չկան։ Ուստի առաջին հերթին պետք է ՀՀ իշխանություններից պահանջել»,- ասել է նա։

Բեգլարյանը հրապաարկել է պահանջները, որոնք են․

Արցախցիների հավաքական վերադարձի կազմակերպում,

Հայ գերիների ազատում,

Արցախի մշակութային ժառանգության և սեփականության պաշտպանություն,

Պետական դիմում Միջազգային քրեական դատարան,

Միջազգային դատական գանգատներից չհրաժարում,

ԵԱՀԿ Մինսկի խմբի չլուծարում։