ՍԴ-ն տվել է որոշակի չափորոշիչներ, որով պետք է առաջնորդվեն իրավակիրառները գույքը իդենտիֆիկացնելու և այն սուբյեկտներին իդենտիֆիկացնելու, որոնք ընկնում են այս օրենքի ազդեցության ներքո: Այդ մասին ասաց ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը՝ անդրադառնալով «Ապօրինի ծագում ունեցող գույքի բռնագանձման մասին» օրենքի գործով ՍԴ որոշմանը:

Ինչ վերաբերում է ՍԴ որոշման հետ կապված բողոքներին՝ ապա Վլադիմիր Վարդանյանը նշեց հետևյալը.

«Անձը ապօրինի ձեռք բերած գույքը ձգտում է պաշտպանել բոլոր հնարավոր միջոցներով: Ես բազում դեպքերում ասել եմ, հիմա էլ պետք է ասեմ՝ ես զարմանում եմ և շարունակելու եմ զարմանալ մեր ընդդիմադիր այն գործընկերների վարքագծի վրա, որոնք ապօրինի ծագում ունեցող գույքի մասին օրենքն ամբողջությամբ՝ սկսած սահմանումներից` ավարտած եզրափակիչ և անցումային դրույթներով, վիճարկել էին ՍԴ-ն՝ ըստ էության, այդ ինստիտուտը որպես այդպիսին»: