Հուսով ենք, որ այս տարի Հայաստանում օրենսդրական մակարդակով կձևակերպվի «ատելության խոսք» հասկացությունը։ Այս մասին ապրիլի 18-ին Ազգային ժողովի նիստում ասաց Հեռուստատեսության և ռադիոյի հանձնաժողովի նախագահ Տիգրան Հակոբյանը՝ 2024 թվականի աուդիովիզուալ լրատվամիջոցներում տեղեկատվության ազատության գործունեության և վիճակի մասին զեկույցի քննարկման ժամանակ։

«Մինչ այժմ Հայաստանն ատելության խոսքի դեմ պայքարում առաջնորդվել է միջազգային պայմանագրերով, հիմա կունենանք հայեցակարգի ազգային ձևակերպում»,- ասաց Հակոբյանը։