Ալավերդիում պարեկային ծառայության աշխատակիցները քաղաքացուց պահանջել են, որ անձնական զննության նպատակով իջեցնի իր տաբատը: Այս մասին այսօր ԱԺ մարդու իրավունքների հարցերով մշտական հանձնաժողովում ՄԻՊ տարեկան զեկույցի քննության ժամանակ ասաց  պատգամավոր Թագուհի Թովմասյանը։

Նրա խոսքով, քաղաքացին հրաժարվել է դա անել փողոցում և նրան տարել են ոստիկանություն, ձերբակալել խուլիգանության և ոստիկանության օրինական պահանջը չկատարելու հատկանիշներով։

Նա Անահիտ Մանասյանին հարցրեց, թե ինչպես է գնահատում այդ դեպքը։ 

«ՀՀ-ում խոշտանգումների և վատ վերաբերմունքի այլ ձևերի գործերով քննությունը չի համապատասխանում միջազգային չափանիշներին։ Առաջին բանը, որ իմ խոսքում նշեցի՝ գործերի անհապաղությունն է»,-ասաց Մանասյանը։