Վլադիմիր Զելենսկին կրկին մերժել է ԱՄՆ նախագահ Դոնալդ Թրամփի դիրքորոշումը Ղրիմի վերաբերյալ։

Թրամփն ավելի վաղ հայտարարել էր, որ Ղրիմը կմնա Ռուսաստանի կազմում՝ Ուկրաինայում հակամարտության կարգավորման համաձայնագրի շրջանակներում։

Ամերիկացի առաջնորդը նաև կարծիք է հայտնել, որ «Զելենսկին հասկանում է սա, և բոլորը հասկանում են դա»։ «Մեր դիրքորոշումը (Ղրիմի վերաբերյալ - խմբ.) անփոփոխ է. միայն ուկրաինացի ժողովուրդն իրավունք ունի որոշելու, թե որ տարածքներն են ուկրաինական... Ուկրաինան իրավաբանորեն չի ճանաչի որևէ ժամանակավորապես օկուպացված տարածք», - ասել է Զելենսկին մամուլի ասուլիսի ժամանակ՝ ի պատասխան Ղրիմի վերաբերյալ Թրամփի խոսքերը մեկնաբանելու խնդրանքի։

Զելենսկին պնդում է, որ այս դիրքորոշումը հիմնված է միջազգային իրավունքի վրա։