Սերբիայի նախագահ Ալեքսանդր Վուչիչի առողջական վիճակը կտրուկ վատացել է ԱՄՆ կատարած այցի ժամանակ։

Այս մասին հաղորդել է Սերբիայի պետական ​​RTS հեռուստաընկերությունը։

Հաղորդագրության համաձայն՝ Վուչիչը չեղարկել է ԱՄՆ-ում նախատեսված հանդիպումները և որոշել է շտապ վերադառնալ Սերբիա։ Որոշումը կայացվել է նրա բժիշկների հետ խորհրդակցելուց հետո։

Նախագահի առողջական վիճակի մասին այլ մանրամասներ չեն հրապարակվել։

Դեռևս պաշտոնական տեղեկատվություն չկա այն մասին, թե արդյոք Վուչիչը հանդիպել է նախագահ Դոնալդ Թրամփի հետ Միացյալ Նահանգներում։