Հրազդան խոշորացված համայնքի Մարմարիկ գետի երկայնքով քաղաքացիները, ՀՀ Ներքին գործերի նախարարության Փրկարար ծառայության Հրազդանի հրշեջ-փրկարարական ջոկատի փրկարարները, ՀՀ ՆԳՆ քրեական ոստիկանները, պարեկները որոնում են 2-ամյա Տիգրանին, ում անհետացման մասին լուրը հայտնի է դարձել երեկ։

Shamshyan.com-ի փոխանցմամբ՝ քաղաքացին ահազանգել է ՀՀ ՆԳՆ Փրկարար ծառայության 911 ճգնաժամային կառավարման ազգային կենտրոն և հայտնել, որ իր 2 տարեկան տղա երեխան Մարմարիկ գետի ափին կորել է և ունի կասկածներ, որ հնարավոր է՝ երեխան անզգուշաբար գետն ընկած լինի։

Այս պահին քրեական ոստիկանները պարզում են ահազանգողի և երեխայի ինքնությունը։