Վրաստանի վարչապետ Իրակլի Կոբախիձեն կմասնակցի Ալբանիայում կայանալիք Եվրոպական քաղաքական գագաթնաժողովին։

Կառավարության ղեկավարը այս մասին հայտնել է լրագրողներին։

«Մայիսի 16-ին նախատեսված է գագաթնաժողով, և դրա հետ կապված՝ այցելություն։ Մենք այցի շրջանակներում որևէ հանդիպում չենք խնդրել։ Կտեսնենք տեղում, գուցե որոշակի հանդիպումներ կանցկացվեն կոնկրետ առաջնորդների հետ։ Իրականում, եթե գիտեք ձևաչափը, այս ձևաչափով հատուկ, պաշտոնական հանդիպումներ հազվադեպ են անցկացվում, չնայած մենք միշտ հնարավորություն ունենք խոսելու առաջնորդների հետ», - ասաց Կոբախիձեն։