Այս տարի «Անմահ գնդի» ավանդական հաղթական քայլերթին ռեկորդային թվով մարդիկ են մասնակցել՝ ավելի քան 10,000 մարդ։ Տեղեկությունը հայտնում է «Անմահ գնդի» մամուլի ծառայությունը։
«Սա ընդգծում է Հայաստանի բնակիչների խորը հարգանքն ու հիշողությունը խորհրդային ժողովրդի սխրագործության նկատմամբ պատերազմի տարիներին»,–ասված է հաղորդագրության մեջ:
Նշենք, որ շքերթի մասնակիցները կրում էին իրենց նախնիների դիմանկարները՝ հարգանքի տուրք մատուցելով նրանց քաջությանն ու ինքնազոհությանը:
«Այս միջոցառումը ևս մեկ անգամ ցույց տվեց սերունդների միասնությունն ու պատմական ճշմարտության պահպանման կարևորությունը Մեծ հաղթանակի մասին»,–ասված է հաղորդագրության մեջ:
Հիշեցնենք, որ մայիսի 9-ին Երևանում տեղի ունեցավ «Անմահ գնդի» ավանդական հաղթական քայլերթը՝ նվիրված Հայրենական մեծ պատերազմի Հաղթանակի 80-րդ տարեդարձին, որն ավարտվեց Հաղթանակի զբոսայգու «Անմար կրակ» հուշահամալիրում ծաղկեպսակներ և ծաղիկներ դնելու արարողությամբ:
-thumbnail.jpg)
-thumbnail.jpg)
-thumbnail.jpg)
