Հունիսի 1-ին Քիշնևում, հուսով ենք, որ վերջապես խաղաղության պայմանագիր կստորագրվի Հայաստանի ու Ադրբեջանի միջև։ Այս մասին լրագրողներին ասել է Ֆրանսիայում Ադրբեջանի դեսպան Լեյլա Աբդուլաևան, գրում է Reuters-ը։

«Դա պատմական պահ է», - ասել է նա:

Հիշեցնենք, որ հաջորդ հինգշաբթի Մոլդովայում կայանալիք Եվրոպական քաղաքական համայնքի (EPC) գագաթնաժողովին կմասնակցեն ԵՄ անդամ երկրները և եվրոպական 17 այլ երկրներ, կմասնակցեն մինչև 47 պետությունների, կառավարությունների և ԵՄ կառույցների ղեկավարներ: Գագաթաժողովի շրջանակներում նախատեսվում է քառակողմ հանդիպում Փաշինյանի, Ալիևի, Մակրոնի և Շոլցի միջև։