Մարմարիկում անհետ կորած 2-ամյա երեխայի որոնողական աշխատանքները շարունակվում են։

«Արմենպրես»-ի մամուլի սրահում հրավիրված ասուլիսում ՀՀ ՆԳՆ համայնքային ոստիկանության գլխավոր վարչության մասնագիտական մեթոդական աջակցության վարչության պետ  Էդգար Պետրոսյանը տեղեկացրեց, որ ներգրավվել են նոր ուժեր։ 

«Երեխայի անհետացման ցանկացած վարկած, որը կարող է նույնիսկ լինել անհավանական, իրավապահ մարմինների կողմից ստուգվում են։ Ուզում եմ ընդգծել, որ ունենք հանրության լայն աջակցությունը։ Բոլորս միասնական ձևով աշխատում  ենք։ Ավելացնեմ նաև, որ որոնողական աշխատանքները չեն դադարում և շարունակվելու են»,-ասաց Էդգար Պետրոսյանը։