Asiana Airlines-ի կորեացի ուղևորը նախօրեին Հարավային Կորեայի Դեգու քաղաքում վայրէջք կատարելուց րոպեներ առաջ բացել էր ինքնաթիռի դուռը, երբ այն գտնվում էր 213 մ բարձրության վրա։ Ռուսական լրատվամիջոցների փոխանցմամբ՝ տղամարդը բացատրել է, թե ինչու է նման քայլի դիմել։

Տղամարդու կողմից ոստիկանությանը հայտնած տվյալների համաձայն՝ ինքը «ցանկացել է արագ դուրս գալ ինքնաթիռից»։

Հարավային Կորեայի տրանսպորտի նախարարության պաշտոնյան հայտնել է, որ երկրի մակրեևույթին մոտ մակարդակներում հնարավոր է բացել վթարային ելքերը, քանի որ այդ ժամանակ ինքնաթիռի ներսի և դրսի ճնշման մակարդակները այդքան շատ տարբեր չեն։

Տղամարդու այդ քայլի հետևանքով ինը ուղևուր տեղափոխվել է հիվանդանոց և բուժօգնություն ստացել, իսկ ուղևորը կենթարկվի քրեական պատասխանատվության։