ԱՄՆ նախագահ Դոնալդ Թրամփը հայտարարել է, որ  Մասկը կբախվի «լուրջ հետևանքների», եթե որոշի ֆինանսավորել հանրապետականների կողմից առաջարկված բյուջետային օրինագծին դեմ հանդես եկող դեմոկրատ թեկնածուներին։

Սպիտակ տան ղեկավարը այս մասին ասել է NBC News-ին տված հեռախոսազրույցում։ «Եթե նա դա անի, ստիպված կլինի վճարել դրա համար։ Դա շատ լուրջ հետևանքներ կունենա», - ընդգծել է Թրամփը՝ հրաժարվելով բացահայտել, թե ինչ միջոցառումների մասին է խոսքը։

Ավելի վաղ Թրամփի և Մասկի միջև հրապարակային հակամարտություն էր տեղի ունեցել, որը հանգեցրել էր X-ում և Truth Social-ում փոխադարձ մեղադրանքների և սպառնալիքների շարքի։ ԱՄՆ ն

ախագահը նշել է, որ չի մտադիրվում վերականգնել հարաբերությունները Մասկի հետ։ Ամերիկացի առաջնորդը նաև հավելել է, որ իրենց փոխազդեցությունը համարում է ավարտված։ «Ենթադրում եմ՝ այո», - ասել է Թրամփը՝ հայտարարելով, որ ապագայում չի մտադիրվում կապ հաստատել Մասկի հետ։ «Ես չափազանց շատ այլ անելիքներ ունեմ։ Ես չեմ պատրաստվում խոսել նրա հետ», - հավելել է Թրամփը։