Գալիս էինք, մեքենայի մեջ մենք ինքներս ուզում էինք ստուգել՝ նոր պարեկները մտնում են այնպիսի հարաբերությունների մեջ, ինչպիսին մենք ծանոթ էինք շատ տարիներ առաջ: Այս մասին ԱԺ-ում հայտարարեց ՔՊ-ական պատգամավոր Անդրանիկ Քոչարյանը:

«Մեքենայի ղեկին Մաթևոս Ասատրյանն էր, Սանդիկովն էր, ես էի, մեքենան մեծ արագությամբ պլանավորված մտավ Երևան: Ճանապարհին հին ՃՈ որևէ հաշվարկ մեզ չկանգնեցրեց, հենց մտանք Երևան, պարեկային մեքենան քաշեց, դիմացը փակեց, ասեցին ձեզ շատ հարգում ենք, բայց սա է խախտման արձանագրումը»,- ասաց Քոչարյանը և նշեց՝ հարկավոր է վերահսկողական գործառույթները ամբողջ ծավալով անել:

Վերոնշյալին արձագանքեց ընդդիմադիր պատգամավոր Գեղամ Մանուկյանը՝ նշելով, որ երբեք չէր պատկերացնի, որ ոստիկանների, իրավապահների գործողությունների արդյունավետությունը որոշելու համար կարելի է օրենք խախտել:

«Պարո՛ն Քոչարյան, սենց գնա՝ թմրանյութերի դեմ պայքարի հարցում կարող է վերջում պլան բաժանեք, փորձեք ճշտել՝ ոստիկանները կարող են բռնել, թե չէ»,- ասաց նա: